Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 114 | Cic. Luc. 116 () | >>Cic. Luc. 118 |
115age restitero Peripateticis , qui sibi cum oratoribus cognationem
esse , qui claros viros a se instructos dicant rem publicam saepe rexisse , sustinuero Epicureos , tot meos
familiares , tam bonos tam inter se amantes viros :
Diodoto quid faciam Stoico , quem a puero audivi ,
qui mecum vivit tot annos , qui habitat apud me , quem
et admiror et diligo , qui ista Antiochea contemnit .
'Nostra ' inquies 'sola vera sunt '. Certe sola , si vera ;
plura enim vera discrepantia esse non possunt . utrum
igitur nos inpudentes , qui labi nolumus , [Note] an illi adrogantes qui sibi persuaserint scire se solos omnia ?
'Non me quidem ' inquit 'sed sapientem dico scire .'
Optime : nempe ista scire quae sunt in tua disciplina .
hoc primum quale est , [Note] a non sapiente explicari sapientiam ? Sed discedamus a nobismet ipsis , de sapiente
loquamur , de [Note] quo ut saepe iam dixi omnis [Note] haec quaestio est .
116In tres igitur partes et a plerisque et a vobismet
ipsis distributa sapientia est . Primum ergo si planet
quae de natura rerum sint quaesita videamus — vel ,
ut illud ante : estne quisquam tanto inflatus errore
ut sibi se ilia scire persuaserit ? non quaero rationes
eas quae ex coniectura pendent , quae disputationibus
huc et illuc trahuntur , nullam adhibent persuadendi
necessitatem ; geometrae provideant , qui se profitentur non persuadere sed cogere , et qui [Note] omnia vobis
quae describunt probant . non quaero ex his illa initia
-- --
Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 114 | Cic. Luc. 116 () | >>Cic. Luc. 118 |